Celtics mipayaka sa Grizzlies

CEBU, Philippines — Gipaluhod sa Boston Celtics ang Memphis Grizzlies, 119-109, sa sangka tali sa mga lider sa Eastern Conference sa NBA kagahapon didto sa TD Garden sa Boston, Massachusetts.

Ang Celtics milansang og 21 ka 3-pointers ug gilupig ang Grizzlies sa rebounding, 54-34, dayon na sa pagposte sa ikaupat nga sagunson nilang daog.

Walo ka Celtics ang mirehistro og double figures ubos sa pagpangu ni Derrick White nga mihipos og 23 puntos, Si Jayson Tatum miamot og 16 puntos. Si Ja Morant mitali og 25 puntos sa pilderong Grizzlies.

Didto sa Toronto, si Fred VanVleet mipatuasik og 35 puntos aron ituboy ang Raptors ngadto sa 119-118 nga kadaogan batok s Detroit Pistons.

Mikuha sab og atensiyon si Pascal Siakam nga mibubo og 22 sa iyang 28 puntos sa second half

Si Bojan Bogdanovic mi-iskor og 33 samtang si Alec Burks dunay 21 puntos apan nangahoyhoy ang ilang abaga sa habig sa Pistons. (BANATNEWS)