Concepcion natug maayong paghinanok bisa'g wala'y banig-unlan ug habol
CEBU, Philippines - Naunay si Panamian veteran Rafael ‘El Torito’ Concepcion (18-7, 8KOs) sa iyang bahad dihang siya maoy gipatug ni WBO Intercontinental super bantamweight champion Genesis ‘Azucal’ Servania (23-0, 9KOs) atol sa ilang sangka sa main-event sa ‘Pinoy Pride XXII: The Revenge’ niadtong Sabado sa gabii didto sa Waterfront Cebu City Hotel and Casino.
Naglungot-lungot si Servania ngadto ni Concepcion kinsa una nang nanganti nga tumbahon siya ibabaw sa ring, apan gipakita sa ALA fighter ang iyang kusug dihang usa ka bangis nga right uppercut ang iyang gipatugpa ngadto sa apapangig sa Panamian.
Nahayang nga way panimuot si Concepcion human maigo sa kumo ni Servania sa 2:46 sa second round ug gikinahanglan pa kini nga tauran og oxygen mask aron seguruon ang kahimtang sa panglawas niini.
Gibombahan dayun og mga solidong kombinasyon ni Servania si Concepcion sa pagsugod sa away, apan mipakita sa iyang kalig-on si Concepcion kinsa mibawos og mga overhand punch.
Sa maong kadaugan ang garbo sa Bacolod City nga si Servania hingpit nga mihimo og panimalos ngadto ni Concepcion kinsa mas mahinumduman nga maoy mipahamtang ni AJ Banal og sakit nga kapildehan lima ka tuig ang milabay didto sa Cebu Coliseum.
“Amo gyud to nga gipraktisan nga uppercut aron gamiton namo niya (Concepcion),†matud pa ni Servania. “Nakabawos na gyud para sa ako stablemate (Banal) ug nalipay ko nga siya ako napatug ibabaw sa ring.â€
Sa iyang bahin, si ALA Boxing Gym founder Antonio Aldeguer mibilib sa gipakita sa iyang boksidor. “I know from the start that Genesis can do it, but I am impressed by the way he timed the uppercut perfectly.â€
Sama ni Servania, mihimo usab og sayung knockout nga mga kadaugan ang iyang mga stablemate.
Si WBO International super flyweight champ 'King' Arthur Villanueva (24-0, 14KOs) mipahayang ni Edgar ‘Chololo’ Martinez (16-8, 10KOs) sa first round sa ilang supporting main event fight.
Gikulata usab ni Roli ‘Zuma’ Gasca (21-4, 6KOs) si Indonesian Lande Olin (11-5, 7KOs) sa second round. Wa gihapoy pilde si Mark ‘Machete’ Bernaldez (12-0, 7KOs) dihang gipasurender niya si Thai opponent Khunkiri Wor Wisaruth (9-6, 5KOs) sa fifth round, samtang nagkinahanglan lang og 20 segundos si Jessel ‘Magnifico’ Magsayo (4-0, 3KOs) pagtapos ni journeyman Hagibis Quiñones. (BANAT NEWS)
- Latest
