Sutike Yama Resto Bar midismantol sa Igot Trucking

CEBU, Philippines - Ang Sutike Yama Resto Bar mipahamtang og laing kapildihan ngadto sa Igot Trucking, 66-53 sa LLBA Rollway Customs Brokerage Cup 2011 basketball tournament didto sa Villas Magallanes gym, Lapu-Lapu City.

Si Ondo Casquejo mipabuhagay og 18 puntos, samtang si Centes Brañanola mihakot og 16 puntos alang sa Sutike Yama Resto Bar ni team owner Rolly dela Pieza nga maoy mikontrolar sa tibuok duwa human miposte og 26-14 sa first period.

Hinuon, ang Igot Trucking ni team owner Junax Igot miratsada sa sunod kuwater aron pahakan ang labaw, apan dili kini paigo alang kanila aron makuha ang daog kay ang Sutike Yama walay kukaluya nga mipupo og mga puntos hangtod nahurot ang oras sa duwa.

Sa pasiunang duwa, ang Radaza Boys mirehistro sa ikatulo nilang sunod-sunod nga daog sukad masugdi ang torneyo, 3-0 human maka-eskapo gikan sa mga kamot sa Yan C Rico, 86-85.

Puntos matag usa

Unang duwa:

RADAZA BOYS (86) - Cordero 39, Ompad 15, Bancale 11, Sha 8, Rosal 7, Sagarino 4, Soroño 2, Aparri 2

YAN C RICO (85) - Tojeno 30, Castaño 14, Lamoste 8, Villarino 8, Giganto 6, Daño 6, Aying 5, Arong 4, Areglo 4

Ikaduhang duwa:

SUTIKE YAMA (66) - Casquejo 18, Brañanola 16, Danalaon 8, Felix 8, Rukawa 6, Dejecto 6, Temporada 2, Palagat 2

IGOT TRUCKING (53) - Paradillo 19, Ouano 13, Pinote 8, Intud 7, Aballe 3, Padilla 3, Igot 2 (BANAT NEWS)