1st Mabolo Parish Day Youth Chessfest andam na

CEBU, Philippines - Andam na ang tanan alang sa 1st Mabolo Parish Day Youth Chess Open nga ipahigayon ugma diha sa Mabolo Parish Church Plaza Stage.

Ang usa ka adlaw nga torneyo naglatid sa 15-under ug 18-under categories.

"This is the first chess tournament in kiddies open for the year and we are expecting that this would draw a lot of participants. This is also one way of discovering younger generations of chess players here in Cebu," matud pa ni tournament director Roger Abella.

Makaparehistro ang mga magduduwa sa higayon nga moabot sila sa binyu karong Domingo sugod sa alas-8 sa buntag.

Gawas sa ganting salapi, ang top three finishers makadawat sab og mga tropeyo nga hinatag ni Cebu City Vice Mayor Augustus 'Joy' Young.

Ang maong kalihukan usa sa mga kalihukan sa 116th Mabolo Parish Day celebration nga sugdan karong adlawa ug matapos karong Martes.

Gipasiugdahan kini sa Knights of Columbus Mabolo Council. (BANATSPORTS)