Rondo wala makurat sa Miami heat

CEBU, Philippines – Wala pa gani mauga ang tinta sa gipirmahang kontrata nila ni LeBron James, Chris Bosh ug Dwayne Wade ug wala pa matino sa mga sugarol didto sa Las Vegas kung ang Miami Heat ba maoy paborito aron modaug sa NBA 2011 championship, sukwahi ang gituhoan sa batan-ong point guard sa Boston Celtics nga si Rajon Rondo kinsa nagkanayon nga wala siya makakita’g katarungan nganong ang Heat maoy gi-ilang paborito nga muabot sa NBA Finals batok sa iyang team.

“They should be good, but they ain’t done nothing yet,” matod pa ni Rondo human sa ilang praktis sa Team USA minicamp. “They ain’t done nothing”

Si Rondo midaug na og usa ka korona sa NBA kauban ang Celtics ug nagkuwang lang og usa ka daug aron unta pagpukan sa Los Angeles Lakers alang sa laing titulo. Malaumon si Rondo nga mobalik ang Celtics sa finals sunod season kung himsog lang ang ilang panglawas.

Bisan pa man og unsa kadaku ang hagit nga gipakita sa Heat, wala batiag kakurat si Rondo.

Matod pa niya “What is there to be nervous for?” I’m worried about L.A. That’s the team we need to beat. Miami looks really good on paper, and I’m sure they’re going to be really good. But they still have to come together as a team. I’m not saying they won’t, but who knows if those guys can jell?

Si Rondo mipadayon, “Our biggest opponent each night is ourselves – that’s how I look at it. Not to be cocky or anything, but that’s how we honestly feel. We are the defending [Eastern] champs. Once the first game of the regular season starts, that’s irrelevant. But we are going to go into training camp looking to get back to the Finals and win it.”

Si Rondo 21–anyos lang ug nagduwa sa iyang ikaduhang season dihang gi-trade didto sa Celtics sila si Ray Allen ug Kevin Garnett aron pormahon ang Big Three uban ni Paul Pierce.

Si Rondo nagtuo nga ang Celtics maoy makabenipisyo tungod kay ang Heat mao na karo’y nahimong dakung target tungod sa ilang gihimong lakang. Sa miaging season, ang pressure didto ni James aron maoy mangu sa Cleveland Caveliers sa East apan napukan sila sa Celtics sa second round aron moabante sa Finals.

“We didn’t have pressure on us last year,” sumala pa ni Rondo. Siya mipadayon, “Everyone wrote us off last year. It’s going to be the same thing again. We only won, what, [50] games last year and we made it to the Finals. (BANAT NEWS)