SWU pakita'g aksiyon sa 14th University Games

CEBU, Philippines - Lab-as pa gikan sa makasaysayanong kampanya sa Cebu Schools Athletic Foundation Inc. (CESAFI), ang Southwestern University (SWU) women’s volleyball team mopakita na sab sa ilang abilidad sa 14th University Games nga gikatakda karong Oktubre 24-30 didto sa Iloilo City.

Masaligon ang reigning CESAFI champions nga malabwan ang ilang quarterfinal finish sa miaging tuig kay kompleto na kini sa hinagiban.

Sa gihapon, si coach Joerem Yu magsalig sa abilidad nilang team captain Lorie May Layno, Raphril Aguilar, Danika Gendrauli ug Danalie Baquiro.

Duha ka semana ang nilabay, ang SWU belles mipalayas sa University of Southern Philippines Foundation (USPF) sa lima ka sets aron paglangkat sa ilang labing unang korona sa kasaysayan sa siyam na ka tuig nga CESAFI volleyball event. – BANAT NEWS