Teodoro, Nafarrete guest sa PUSO Games opening
MANILA, Philippines — Pamumunuan nina Defense Secretary Gilberto Teodoro at Armed Forces Chief, Gen. Antonio G. Nafarrete ang mga athletes at officials sa pagbubukas ng 1st PSC-AFP Philippine Uniformed Service as One (PUSO) Games ngayong araw sa Rizal Memorial Stadium.
Makakasama nina Teodoro at Nafarrete sina Philippine Army Lt. Gen. Donald M. Gumiran, Philippine Navy Vice Admiral Alan M. Javier, Philippine Air Force Lt. Gen. Arthur M. Cordura at Philippine National Police Gen. Jose Melencio C. Nartaez Jr.
Si Teodoro, isang colonel sa PAF Reserve Command, ay isa ring licensed pilot, habang dating PA Scout Ranger si Nafarrete na sumailalim sa US Army Rangers Course noong 1995 sa Fort Benning, Georgia.
“We have always held our soldier athletes and their allied counterparts in high esteem as examples of dedication, discipline and hard work in not only sacrificing their lives for our country but also for their contributions in international competition,” ani Philippine Sports Commission (PSC) chairman Patrick Gregorio.
Inaasahan ding dadalo sa pagbubukas ng sportsfest si Philippine Coast Guard Commandant Adm. Rommel A. Supangan at ang mga top officials ng 13 pang allied government agencies na may humigit-kumulang sa 2,000 atleta na sasalang sa 20 disciplines at Anti-Terrorism Council.
Samantala, pararangalan sina seaman boxer Carlo Paalam at Airman sepak takraw player Jason Huerte sa pagwawagi ng silver at bronze medal, ayon sa pagkakasunod, sa nakaraang 20th Aich-Nagoya Asian Games.
- Latest



















