YMTEC McMill daog sa bar

CEBU, Philippines - Midaog ang Team 7 nga gipaluyohan sa YMTEC McMill batok sa Team 6 sa iskor, 81-66 kaniadtong Biyernes atol sa nagpadayong Councilor Jun Pe Inter-Sitio Fiesta Cup sa Barangay Association of Ramos (BAR) basketball tournament didto sa Benjamin Solon Memorial Gym sa barangay Cogon, Ramos, ning dakbayan.

Ang Team 7 mihimo’g 24-8 nga rally sa second period aron papason ang ilang 21-22 nga biya sa opening quarter. Ang Team 7 naglabaw og 15 puntos sa halftime, 45-30 ug maoy nagkontrolar sa duwa sa kinatibuk-ang second half.

Ang gamay nga pointguard nga si Mark Galo maoy nangu sa opensa sa Team 7 pinaagi sa iyang 14 puntos samtang sila si Danny dela Peña ug Dodong Elizalde nagkumboya og 22 puntos.

Si Koronel Baculio maoy nangu sa Team 6 human siya mohakot og 22 puntos. Sa sayo pa, ang Team 9 midaog batok sa Team 8 sa iskor, 90-84 pinaagi sa pagpangulo ni Rey Jumamil kinsa miburak og 25 puntos.

Sila si Yokyok Alesna, Jun Verano ug Rene Villanueva pulos mi-iskor og 15 puntos alang sa Team 9 samtang ang Team 8 kinsa mosuway na unta og rally sa naghinapos nga oras sa fourth period, gipangulohan ni Louie Navarro kinsa milansang og 20 puntos.

Puntos matag usa:

First Game:

Team 9 (90)— Jumamel 25, Alesna 15, Verano 15, Villanueva 15, Fuentes 8, Abatayo 6, Booc 2, Cue 2, Mercado 2

Team 8 (84)— Navarro 20, Libre 12, Tecson 11, Miano 10, Albia 6, Yares 6, Limpangog 6, Dagalla 3, Monreal 2, Leopats 2, Paquibot 2, Peñas 2

Second Game:

Team 7 (81)— Galo 14, Dela Peña 12, Elizalde 10, Navarro 8, Tampus 8, Ybañez 7, Albia 6, Ancot 5, Rama 4, Secuya 4, Hapitan 2, Gabotero 1

Team 6 (66)— Baculio 22, Monterroyo 10, Rosaroso 10, Ernie 7, Bernal 5, Famador 4, Villaber 2, Lugod 2, Nadal 2, Acero 2. - Gabby G. Malagar (BANAT NEWS)