All Visayas Coke Go-for Goal sisimulan na

ILOILO CITY -- Isa na namang ex-national titlist ang blinangko ng dating national champion St. Paul School of Barotac Nuevo, ang Sta. Barbara National Comprehensive High, 2-0 noong Linggo sa Sports Complex dito.

Ang panalong ito ang nagkaloob sa St. Paul sa Iloilo provincial crown at karapatang umusad sa all-Visayas Coke Go-for-Goal under 16 football finals.

Sa isa pang laro, dinurog naman ng Barotac Nuevo Polytechnic Institute ang Guimbal National High, 8-1.

Samantala sa UP Los Baños field sa Laguna, dinurog ng Rizal ang Quezon na may 7-3 record upang umangat sa all-Luzon finals.