Epekto ng pagpigil ng ihi

Alam nyo ba na ang pantog ay maaaring mag-ipon ng hang­gang 2 tasang ihi. Ngunit hindi ibig sabihin na dapat mong hintayin itong mapuno bago ka magtungo sa banyo para ito ay mailabas lahat. Ayon sa mga eksperto, mas makabubuti para sa inyo na umihi sa sandaling kayo ay makaramdam ng naiihi.

Kung ang pag-ihi ay pipigilin o ipagpapaliban, narito ang mga posibleng sakit na inyong makuha:

1. Makararamdam ng sakit sa puson o pelvic pain o ma­sakit na pantog sa tuwing pipigilan ang pag-ihi. Minsan parang puputok na ang pantog o ito ay lalabas na.

2. Nagkakaroon ng hindi mapigilang paglabas ng ihi o incontinence kung madalas na pinipigilan ang pag-ihi dahil­ posibleng nagkaroon ng pinsala sa pelvic floor muscles, kasi na-overstretched o nabanat ang pantog. Kung madalas maba­banat at luluwag ang masel ng pantog, hindi na kayang pigilan ang pagtulo ng ihi kaya wala kang magagawa kung hindi mag­suot na lamang ng diaper o lampin.

3. Mawawalan ng kakayahan o mahirap palabasin ang ihi kung madalas na pipigilan ang pag-ihi kahit na sa pakiramdam mo ay puno na ang iyong pantog. Ito ay maaaring mangyari kung ang mga kalamnan ng pantog ay napinsala. Sa mga ma­lubhang kaso, maaaring kailanganin ng gumamit ng catheter para lamang maalisan ng laman ang iyong pantog.

4. Maaring nakukuha ang impeksyon sa urinary tract o UTI sa kababaihan sa pagpupunas ng ihi ay simula sa puwitan papunta sa harapan, may katabaan, may diabetes, o guma­gamit ng diaphragm sa pagplano ng pamilya o pagpigil sa pag-ihi. Kapag matagal naiipon ang ihi sa pantog ay ma­aaring dumami o mag-multiply ang bacteria.

5. Ang pagkakaroon ng kidney stone o bato sa bato o bladder stone o bato sa pantog kung ang ihi ay nagtatagal sa bato o pantog, o naglalaman ng mga mineral, o kulang sa iniinom na tubig.