Pagkamadali-dalion

May usa ka batan-on nga bag-o pa lang nipasar sa bar exam. Bisan pa man nga ang linya sa telepono wala pa mataod iyang gibuksan ang iyang opisina. Dihang may nagpadulong sa iyang opisina iya dayong gipunit ang telepono ug yaw-yaw taman sa ginhawa. Sa pagsulod sa tawo iyang gibutang ang telepono dungan sa pagsukna sa tawo sa iyang tuyo. Wala kapugngi sa tawo ang pagkatawa dayong ingon taga Globe ko sir, “ako ang mo-connect sa imong telepono.”

Ang pagbuhat sa usa ka butang nga walay saktong pagpangandam makabutang kanato sa sitwasyon nga dili maayo. Sama sa pagpangalagad sa Ginoo dili maayo nga mobuhat kita sa kaalam. Ang resulta nahitapos na hinuon ka sa imong tumong ug tungod niini mahimo na hinuon kang kataw-anan sa mga tawo nga buot mong alagaran. Busa ang pagkat-on maoy angay buhaton kay pinaagi niini mahimo kang epektibo sa imong gimbuhaton.