Makapainit sa ulo

Naunsa na man ning mga tawo karon labi na kadtong giingong mga brayt. Imbes maninguhang magmalinawon ang kalibutan mangita hinoon og hinungdan nga magkagubot.

* * *

Pananglitan dihay nag-produce og video film -- “Innocense of Muslims” -- nga usa ka anti-Muslim nga pelikula. Tungod niini nagkagubot or nanggubot ang mga Muslim.

* * *

Dunay mga makalilisang nga riot, diin ang usa niini nahitabo sa Libya diin giataki sa mga Muslim ang US Embassy. Tulo ka Kano ang patay, usa nila ang US ambassador.

* * *

Wa pa gani mahupay ang kasuko sa mga Muslim, naa nasay mitumaw nga eskandalo kalabot gihapon sa mga Muslim. Naay migawas nga magasin diin dunay cartoon kun drowing mipakita sa Prophet Muhammad nga naghubo.

* * *

Walay duhaduha nga kining maong cartoon modugang sa paghaling sa kayo nga nagdilaab pa karon diha sa mga Muslim communities. Usa ka French artist kon cartoonist ang author niini.

* * *

Laing kontrobersyal nga balita nga hayan makahimo’g kagubot mao ang giingong discovery sa usa ka eskolar nga Kano diin si Jesus kon Hesukristo kuno adunay asawa.

* * *

Suma pa kuno sa usa ka sinuwat nga napalgan sa maong eskolar, dunay usa ka linya diin si Jesus gi-quote nga nag-ingon: “My wife.” Ambot unsay reaksyon sa mga Kristiyanos niini. (Balita napatik sa The Freeman, Sept. 20, 2012, Page 31.)

* * *

TRIVIA. Greetings sa atong mga higala diha sa mga lungsod nga naapil sa Suroy-Suroy Sugbo, Northern Escapade, karong Sept. 21-23, 2012. Salamat  sa inyong suporta sa Banat News.