Utang na loob

Pangatlong anak ko noong nasa high school

may isang kaklaseng maganda’t marunong;

Nang sila sa hi-school nakatapos noon –

pag-aaral nila’y sa college natuon!

Classmate ng anak ko ay naging doktora

nagtayo ng clinic doon sa probins’ya;

Sa kanyang propesyon ay kahanga-hanga

mahusay maglinis ng katawa’t mukha!

Kamay ni doktora’y magaang-magaan

mga ginagamot ay nasisiyahan;

Dahil itong awtor ang mukha’y magaspang

doon sa clinic n’ya ay agad nagpasyal!

Panganay kong anak at isang kasama

na may mga bukol silang nakakapa;

Sinamahan ako sa doktorang mutya

at kami’y ginamot habang nakahiga!

Mga warts at nunal ay kanyang inalis –

sa mukha, katawan at saka sa leeg;

Mga katulong n’ya pawang mababait

kaya ang gamutan aming natitiis!

Gamit ay kuryente sinusunog niya

mga nunal at warts na kanyang makita;

Dalwang punta lamang sa kanyang klinika

magaling na agad sugat ko sa mukha!

Kaya ngayo’y parang bago ang mukha ko

di nakahihiyang iharap sa tao;

Kaya sa X-mas party nitong dyaryong ito

h’wag kayong magulat at darating ako!

Sa aking pagharap sa mga kasama

mapapansin ninyong mukha ko’y iba na

Wala na ang lahat na batik sa mukha

ang napalit ngayo’y makinis na cara!

Ito’y pagtanaw lang – utang na loob ko

pagka’t halos libre gamot ko’t trabaho;

Dra. Mary Ann Partoza-Aguado

siya ay diplomate sa kanyang opisyo.