Bagong Maria Clara

Sa Meralco office – San Pedro, Laguna

Tatlong kaibigan kay babait nila;

Si Mr. Guerrero ang siyang nauna

Dalawa ay mutyang saksakan ng ganda!

Itong unang mutya Gina ang pangalan

Siya ay mabait madaling lapitan;

Ang pangalwang mutya ngala’y nalimutan

Pagpunta sa office doon tutulaan!

Si Mr. Guerrero ang siyang nag-request

Na ako’y humabi ng tulang matamis;

Hindi makatanggi kudyapi’y hinilis

Kaya ang nayari’y tulaing panlangit!

Ang unang diwata palayaw ay Gina

Ang diwatang ito’y taga Sampaguita;

Kaya itong tula ay alay sa kanya –

Ni Mr. Guerrero at nitong kumatha!

Katulad mo Gina ay isang bulaklak

Na ang iwing bango’y nilalanghap-langhap;

Sa hardin ng puso nang kita’y mamalas

Gusto kong pitasin kahi’t sa pangarap!

Ikaw ay diwatang siyang inspirasyon

Sa mga gawai’t mabubuting layon;

Sa tinatahak ko na landasin ngayon –

Ikaw ang patnubay saanman paroon!

Ikaw ay bituing sa gitna ng dagat

Ay silbing parola na nagliliwanag;

Sa dalampasigan nang kita’y mamalas

Naglunoy sa tuwa ang pusong bagabag!

Ikaw ri’y bituing sa gabi ng buhay

Sa aking landasin tanging tumatanglaw;

Nang minsang maglaho’y nawalan ng ilaw

Ang buhay kong aba’t sakbibi ng lumbay!

Gina ang ganda mo’y lubhang makabago

Ikaw ay sumilang panahong Atomo;

Tunay na dangal ka nating Pilipino –

Bagong Maria Clara, paa hanggang ulo!