Mga pangagpas sa 2012

Usa lang kini ka paghusay sa mga panghitabo ingon man sa mahitabo pa ning tuiga sa 2012. Gibase sa nagkalainlaing pangagpas o panagna sa mga otoridad o eksperto ning bahina gikan sa hut-ong sa manggialamon.

Milabay na ang 2011. Atong nasinati ug nasaksihan sa TV ang mga makapakurat ug makapakitbi nga kalamidad sa tibook kalibutan. Gani diha kadtoy panagna nga gilalisan pa nga wa kuno matuman ug wa gyud kunoy katapusan sa kalibutan. Apan atong hinuktokan ang dugokan sa grabeng tilimad-on sa katapusan sa panahon, nahitabo na. Ug tibawason na lang. Kanus-a kaha–sa 2012? Di ta kaseguro niani apan may purohan.

Duna tay gikahinabi nga may pangedaron nang Bol-anon, nga niadto dugay siyang nag-alagad isip nagduma sa archives o hiposanan sa mga karaang sinuwat diha sa papel, papan, panapton ug uban pa, didto sa Vatican City, Rome. May gipakita siyang original nga translation niya nga gilibro susama sa biblia kun tan-awon. Kini maoy hinungdan nga gimonitor siya nga mapugngan ang pagpublikar niini sa tibook kalibutan. Tuod man, wa na siya igkita basin nagpahipi lang ug naniid sa panahon.

Gisaysay sa maong libro ang lapad nga kalihokan sa gamhanang pundok sa ILLUMINATI, nga ang mga sakop niani kasagaran nanubra ang kadato, gamhanan, henyo, bantogan, celebrities, etc.. sa tanang nasud, nga ginganlag mga MASON. Sila kuno adunay kalabtanan sa mga duwa sa kasaysayan sa panghitabo kay ang kalamidad namugna ra sab sa tawo.