Ganti

Buloy: Tungod sa imong pagkamaayong gwardiya gantihan ko ikaw.

Unsay imong gusto kwarta o promosyon?

Bitoy: Promosyon sir.

Buloy: Good choice Bitoy. Sugod karon dili ka na gwardiya sa entrance.

Bitoy: Salamat sir. Unsa na man ko ron?

Buloy: Gwardiya sa exit.

Bitoy: Iho!(Toink!/Aguy!)

Hehehehehehehehehehehe

Tam-is pa sa mansanitas nga hinog ang pagdawat og ganti. Ilabina kun ang imong pasidungog bunga sa imong pagpanerbisyo.

Usa ko sa mga kawani sa ABS-CBN Broadcasting Corporation nga nakadawat sa length of service award sa miaging Nov. 22 sa Manila. Uban naku ang among station manager sa DYAB Abante Pa Bisaya Leo Lastimosa ug Jun Perez.

Sila si Vilma Andales ug Rico Lucena sa TV Patrol Central Visayas ug uban namong mga kaubanan ABS-CBN Cebu.

Dili ba bag-o namo ang kalihokan tungod kay sa kadaghan sa mga kawani sa ABS-CBN tibuok nasud halos magsunodsunod ang mga tuig nga ipahigayon ang pasidungog.

Lahi lang ang akong kasinatian ning tuiga tungod kay sa akong ika-15 ka tuig sa kompaniya mitambong ko nga dunay trangkaso. Wala kapugngi ang paglugmaw sa akong mga luha sa makadasig, undanon ug makahuloganon nga mga pamulong sa among Presidente Charo Santos-Concio ug Chairman and Chief Executive Eugenio “Gabby” Lopez III.

Dili hinoon tungod kay nadala ko sa akong emosyon sa mga maanindot nga linya, milugmaw akong mga luha og inutong pagpugong nga dili ko makaubo sa kahadlok nga makabalda sa ilang pakigpulong.(Toink!/Aguy!)

Dili diay lalim oy nga magpugongpugong og ubo taliwa sa kagilok sa imong tutonlan. Lupig pay gituok.(Toink!)

Busa akong tambag ninyo og duna gani moy tambongan nga kalihokan unya duna moy gibati “consult your doctor first, remember the minimum reminders: if symptom persists do not resist.(Toink!/Iho!) hehehehehehehehe Joke! Joke! Joke!.

Wala man naku hingpit matuhog ang kinatibuk-ang mensahi tungod sa akong gibati nibagting ang akong kasingkasing sa linya ni Sir Gabby pagkab-ot og mabulokong kalamposan sa pagpanerbisyo.

Gihimo man niyang sanglitanan ang mga inilang magpapatigayon ug pintor nga si Steve Jobs ug Pablo Picasso nga nahimong malamposon sa ilang mga gihimo tungod sa ilang gugma sa trabaho. Mas hait ang suwab pagkab-ot sa kalamposan kun sa imong tahas uban sa imong gugma ang gitagan-an mo sa imong mga paningkamot.

Alang ni Sir Gabby “Love your customer”. Kun duna kay gugma sa imong customer mas lig-on ang pundasyon sa imong gugma sa trabaho ug sa kompaniyang imong gialagaran.

Pero si Randy Santiago nga maoy host sa seremonya miingon maayo gani kay ang apilido ni Pablo kay Picasso. Kay og ang apelido ni Pablo ang apelido pa ni Steve mas dilikado.(Toink!) Gets niyo! Hehehehehehehehehehe.

Tugoti ko nga pinaagi sa oportunidad nga gihatag naku sa Banat News akong pasalamatan sa tibuok kung kasingkasing ang ABS-CBN isip akong ikaduhang pinuy-anan. I am proud to be a kapamilya.

Ako sang pasalamatan ang tanan nakung mga higalang mipadangat sa ilang mga pulong pahalipay. Amen!

Mana: Bitoy how to determine if the giant is a male or a female.

Bitoy: Sayon ra na mam kung bisay-on.

Mana: Ha! Unsaon man?

Bitoy: Ug lalaki tawag ana HE-ganti kung babaye SHE-ganti.(Toink!)

Estoryaheeeeeeeeeeeeee!.

(emailad:[email protected])