May pulis na mabuti at masama

NOONG isang araw isinailalim ng Philippine National Police ang mga pulis sa General Physical Fitness Test upang masigurong malusog ang mga ito. Marami siyempre ang natakot dahil tingin nila hindi na ubra ang kanilang pangangatawan sa pagsubok, subalit nalampasan naman nila.

Nakita ko mismo ang ginawang pag-jogging, sit-up at push-up exercises ng mga miyembro ng Manila Police District. Unang naisalang sina MPD Deputy Director for Administration Sr. Supt. Alejandro Guttierez, Deputy Director for Operation Sr. Supt. Fidel Posadas, Chief of Staff Sr. Supt. Robert Po, Station 9 Commander Supt. Dominador Arevalo, Stn 8 Commander Supt Promincio Bernal at Stn 11 Commander Supt. Ferdinand Quirante kaya naging ganado ang mga pulis. Tagaktak ang kanilang mga pawis at hinihingal. Ngunit hindi nila ininda dahil ito ang pagsubok na nais ni PNP chief Dir. Gene-                       ral Nicanor Bartolome.

Sa tingin ko, malamang na iilan lamang ang lalag-      pak sa pagsubok dahil malakas pa ang mga pulis ng Manila’s Finest. Subalit may ilang pulis na tamad at ayaw tumulo ang pawis. Malamang na mapaaga ang kanilang retirement kapag bumagsak sila sa pagsubok.

Samantala, ilang pulis ang nasa balag ng alanganin ngayon. Tulad ng mga pulis na “escorts” ni Presidential Adviser for Political Affairs Ronald Llamas na nasangkot sa vehicular accident sa Quezon City. Pilit kasing itinago ng escorts ni Llamas ang AK-47 rifle pero nabuking pa rin. Nakakulong naman sa Camp Crame si PO2 Aniel Arceo matapos arestuhin ng PNP-Highway Patrol Group sa Caloocan City.

Kung may mga pulis na kasuklam-suklam, mayroon naman na dapat papurihan. Tulad ni Sr. Insp. Macario Mailon ng Station 8 ng Las Piñas City Police. Nasakote ni Mailon ang suspected carnapper na si Renato Gatchalian sa Manuyo Dos. Humingi ng tulong ang may ari ng Kawasaki Barako na si Margarita Rodriguez kay Mailon. Agad na hinabol ni Mailon kasama ang kan-yang mga tauhan na sina SPO2 Federito Malapitan, SPO1 Arthur Buscaino, PO2 Feliciano Yu, PO2 Danny Cerbito at SPO1 Sherwin Carino ang papatakas na suspect tangay ang tricycle. Naaresto ang suspect sa Falcon St, Gatchalian Subdvision.