Pagkaon

Ning kalisud sa pangwarta ug pagkaon, daghan sa atong kabus nga mga kaigsuonan ang mapugos sa pagkaon sa mga dili unta angay nga kan-on.

* * *

Didto sa usa ka dapit sa Luzon, dunay mga bukirang barangay diin ang mga lumolupyo nakakat-on sa pagluto og pagkaon sa mga anay, uod ug dulon ug lukton.

* * *

Naa say moluto og mga buwak, sama sa rosas ug gumamela. Diin kini ilang kilawom sa suka, tamates ug sibuyas dahunan.

* * *

Ang anay ug uod (ulod) ilang gisalon sa manteka, tamates, sibuyas ug dinukdok nga ahos.

* * *

Suma pa ni Ms. Carmen Tiaoque, nutritionist sa usa ka hospital sa Tuguegarao, ang mga linuto nga anay ug ulod, bisan kini gituyo alang sa mga kabus, halinon gihapon sa mga dili kabus didto sa mga sentro sa populasyon sa Ilocandia.

* * *

Matud ni Ms. Tiaoque, aduna siya’y mga documented testimonial sa mga tawo nga gilamian sa maong mga exotic nga pagkaon.

* * *

Suma pa niya naay mga taga Baguio ug Manila nga mga gourmet nga mogasto gyud sa pagpada’g tawo sa Tuguegarao aron lang mopalit sa maong matang sa pagkaon.

* * *

Laing exotic food nga inilog sa mga kabus didto sa mga kaumahan sa Ilocandia mao ang kinaon sa kanding nga naa pa sa sulod sa tinai. First class kuno ni nga pagkaon alang sa mga lumad apan mopiyong ang mga mata sa dili lumad bisan sa pagtan-aw lang niini.

* * *

TRIVIA -- Maayong adlaw diha sa atong mga higala sa Isla sa Camotes ug sa Bantayan diin adunay bag-ong mga dealer nga namaligya sa atong mga pamantalaan.