EDITORYAL - Kooperasyon tali sa Kapitolyo ug CH

Ang gibutyag ni Bise Mayor Mike Rama nga andam siya makig-alayon kang Gob. Gwen Garcia kun silang duha mapili ning umaabot nga Mayo 10 angay nga hangupon sa mga Sugbuanon.

“Basta makaayo sa Sugbo way problema nako ang kooperasyon,” matud ni Rama atol sa round table discussion niya tali sa editors ug senior reporters sa The Freeman, ang igsuong mantalaan sa Banat News.

Dili na kinahanglan pa tingali nga ipatin-aw pa ang kaayuhan nga maangkon sa Sugbu kun adunay sinserong panaghiusa ang probinsiya ug ang siyudad sa Sugbu.

Apan, matud ni Rama, mas maayo pa gyud kun ilang kandidato sa pagka-gobernador nga si Konsehal Hilario “Jun-jun” Davide III maoy modaug.

“I would say I want Davide to win. I don’t want to think the governor is winning,” si Rama nagkanayon.