Paghinumdom sa unang Sinulog

Di kalikayan nga ning atong pagtan-aw ug pagpadulong sa unahan, makalingi gyud ta sa likod ug makasud-ong sa atong gigikanan ug kagahapon, ilabina kun nahimo kang tapik sa kagahapon.

Mao usab kini ang kanunay natong gipa-amgo sa atong mga batan-on kun diin sila gikan ug kun asa sila paingon: nga gikan sila sa senior citizen ug padulong sa pagka-senior citizen.

Anyway, kahinumdom ko nga usa sa mga tigum sa AFRENA7 (Association of Regional Executives of National Agencies in Region 7, nga usa usab sa mga main founding fathers si Godo Roperos, ang unang regional director sa Department of Public Information), kini sa 1980, gi-introduce ni Customs Collector Boy Odilao, concurrent Director sa MYSD, ang ideya sa Sinulog, pagpalapad niining pagsayaw-sayaw sa mga tindera sa kandela sa simbahan sa Sto. Niño.

Una nilang gibuhat mao nga nagpatudlo sila sa mga tindera sa kandela pagsayaw sa sinuolog. Ila kining ginganlan og Sinulog sa Sugbo – halad kang Sto. Niño de Cebu, pag-ila nga iya kini sa Sugbo tungod kay daghan man ang nag-debosyon sa Sto Niño     sa nagkalainlaing dapit sa Pilipinas.

Sa souvenir program, gipatik: Under the auspices of the regional office sa Ministry of Youth & Sports Development, The Agustinian Community, Cofradia del Santo Niño de Cebu, in cooperation with the City Government of Cebu, Afrena 7, ug Rotary Club of Talisay. Gawas kang Odilao, mihatag sa mga mensahe sila si Gobernador Eddie Gullas; Mayor Florentino Solon; Fr. Medardo Durmiendo, Rector sa Basilica; ug Mrs. Josefina R. Gullas, presidente sa Cofradia del Sto. Niño.

Mga estudyante ning mosunod nga mga tunghaan ang misalmot: CCC, CIT, CSAT, CSJ-R, SWU, USC, USP, ug UV. Samtang ang mga barangay: Kalubihan, Habagatan, Pagatpatan, Dunggoan, Kasapaan, Kamagayan, Parian, ug Pili-Kanipaan.

Ang Executive Committee, gilangkoban nila ni Mayor Solon isip Honorary Chiarman, Boy Odilao, chairman ug mga sakop sila si Fr. Durmiendo, Mrs. Josefina Gullas, Labor Director Francisco Arnado ug Atty. Leonardo Manlosa.

Ang mga tawo nga na-involved sa produksiyon, kaabag ni Odilao, sila si:Loreto M. Palapos, Freddie Mendoza, Myhc Gonzales, Jess Labrador, Domingo Estabaya, Resil Mojares, Virgilio de la Victoria, Diana Panal, Herminia de Leon, Carmen Angbetic, Salustia Dadula, Dolores Suzara, Mary Aracan, ug Andrea Tecson.

Sa nagkalainlaing komite: Director Gene Labella, Orlando de Fiesta (ang nag-design sa cover, winner sa Sinulog sa Sugbo poster making contest, sa NMPC), Atty. Manuel Oyson, Jr., Eleodoro Mongaya, Juanito Jabat, Col Rodrigo de Guzman, Col. Guillermo Corazo, Capt. Fritz Quiñanola, Lt. Rodrigo Inoferio, Mrs. Estela Manuel, Dalmacio Bermillo, Jocelyn Fuentes, Norma Olmos, Juliet Arceo, Melanie Bongbong, ug Alex Lopez.

Ug mga presidente sa nagkalainlaing misalmot nga mga tunghaan, sila si Augusto Go, Don Rodolfo Lizares, Sr., Mr. Atanacio Elma, Rev. Fr. Hernando Coja, Engr. Matias Aznar III, Rev. Fr. Gregorio Pizarro, Engr. Oscar Jereza, ug Mrs. Josefina Gullas.

 Kun unsa karon ang Sinulog, kini tungod ni Odilao ug sa mga tawo nga miabag kaniya pagpalampos sa unang Sinulog sa Sugbo.