Congrats Bro. Gopo ng Phil. Navy

BINABATI ng mga kuwago ng ORA MISMO, si Ku­yang Prime Gopo ang ka-golf body ng Chief kuwago dahil hindi manalo ang huli todits.

 Kuyang, masiado ka ng magaling!

Keep it up...

Independent Fact Finding Committee

 ITINUTULAK ng Badge of Honor Foundation, Inc. ng Philippine National Police na suportahan ang gusto ni Senator Noynoy Aquino III na bumuo ng isang independence este mali independent panel na siyang mag­iimbestiga para busisiin ang nangyari sa 57 madlang people na tinigok sa Ampatuan massacre dyan sa Ma­guindanao.

Bukod todits dapat din kalkalin ang pagkalat ng mga private armies ng mga politikong bugok.

The other day, inumpishan ng Senado ang pagkalkal at mga katanungan bumabalot sa kalituhan regarding sa mga private armies na nagiging dahilan ng ka­gu­luhan sa Mindanao.

 Sabi nga, saan galing ang mga funding at powerful arms nila!

Sa bida ni Atty. Benjamin C. delos Santos, Corporate Secretary ng PNP Badge of Honor, na dapat i-activate na ang mga organization at independent fact-finding commission para bosohan este mali silipin pala ang “complex issue ng private armed groups.”

 Sabi ni Benjie, ‘We join the call of the CBCP president and the majority of freedom loving residents of Mindanao supporting the martial law imposition in Ma­guindanao.’

Malamang na walang mangyari porke naniniwala si Benjie regarding sa investigation ng Senate sa Maguindanao massacre ay matutulad lamang sa mga nagdaang imbestigasyon na nahahaluan ng politika lalo’t re-electionist ang iba todits.

 Ika nga, malapit na ang collection este mali election pala!

Sabi nga, grandstanding...........Hehehe!

Nakausap ng mga kuwago ng ORA MISMO, si PNP bossing Jess Verzosa, birthday nga pala nito sa December 25...Happy Birthday, Sir, na gigibain niya ang lahat ng mga private armies na pinapatungan ng mga warlord at mga gagong politiko sa Maguindanao at iba pang place before 2010 Presidential election.

 Sabi nga, totoo ito!

 Bida ni Jess, ang retarded este mali independent commission na binuo ni GMA ay tugma para gamitin ng katulisan este kapulisan pala ang “full might and resources” nito para buwagin ang mga private armies na gamit ng mga politics.

 Ayon kay Jess, bibigyan niya ng abuloy este mali proteksiyon pala ang mga pamilya ng mga biktima dyan sa Ampatuan, Maguindanao massacre.

 Sabi nga, tiyak iyon!

Cocaine sa Davao, ‘di dapat tantanan

GALIT si House Speaker Prospero Nograles sa pag­ka­ka-discover ng may 16 kilos na cocaine dyan sa Port of Davao kaya pinaiimbestigahan niya itong mabuti at nag-utos na huwag lubayan.

Sabi nga, busisiin kung sino ang patong!

Sabi ni Speaker ipadadala niya si Ilocos Norte Rep. Roquito Ablan sa Davao para magsiyasat at durugin ang mga gagong kasabwat ng mga international drug syndicate.

 Sabi ni Speaker, gugulong ang mga ulo ng mga customs people sa Davao at hindi siya nangingimeng pasampahan ng mga kaso ang mga gagong ito kapag napatunayan may kinalaman sa drug smuggling.

 Abangan.