EDITORYAL - Katumanan sa BRT hayag na

Nagkahayag na ang katumanan sa Bus Rapid Transit kon BRT system dinhi sa dakbayan sa Sugbu.

Kini human nibisita si Mayor Tomas Osmeña sa Bogota, Colombia, aron sa pag-obserbar sa operasyon sa BRT didto.

Na-impress og maayo ang mayor sa maong sistema sa transportasyon ug mipasabot nga iyang adoptahon kini dinhi sa Sugbu.

Ang World Bank misuporta sa BRT project ug gani migahin na og bali $235,000 alang sa feasibility study niini.

Ang BRT maoy gituohan sa kadaghanan nga maoy makasulbad sa problema sa commuter transport system sa siyudad labi na panahon sa ting-welga sa mga jeepney.

Ang katumanan niining giplanong sistema sa transportasyon pangpubliko maoy gipaabot sa kadaghanan.