Cabinet official humahataw sa black propaganda

KAMAKAILAN ay pahapyaw nating napag-usapan ang “dirty politics” sa Pilipinas na dapat mabago kung gusto nating mareporma ang ating pamahalaan. Ang tinutukoy natin ay mga political demolition na isinasagawa ng mga magkakatunggali sa politika.

Halimbawa, humahataw raw ang isang cabinet member upang gibain ang imahe ng isang Metro Manila mayor. Kaya pala, ang opisyal na ito ay may balak tumakbo sa 2010 mayoralty race. Ibig yatang maagaw ang pagka-mayor sa naturang siyudad na napakabilis ang pag-unlad.

Guns, goons and golds ang sinasabing armas ng mga maruruming politico para magwagi sa eleksyon. Sa kaso ng opisyal na ito, Limpak limpak na “golds” daw ang pina­ka­walang pondo kasabwat ang isang major ng isang drug agency. Nanunuhol daw sa media para sa isang “bulok na propaganda” laban sa katunggaling alkalde.

Nagmamalasakit kuno si cabinet sec kaya siya tatak­bo sa pagka mayor. Pagmamalasakit bang maituturing na upakan ang mga nakaupong local officials at pala­basing “drug capital” ang naturang lungsod?

Pilit isinasangkot ang tatlong pushers na sa mayor dahil kaapelyido niya ang mga ito. Sinasabing nasa order of battle ng PDEA ang mga pushers. Ipinagma­malaki raw ng mga sangganong ito ang pangalan ni mayor sa operasyon ng kanilang drug syndicate. Na sila’y untouchables dahil kay mayor.

Kung titingnan ang records, noon pang 2007 nakaku­long ang tatlong pusher at nahaharap sa mga non-bailable na kasong mismong PDEA ang nagsampa laban sa kanila sa korte.

Grabe. Mainitan ang ka­la­labasan ng eleksiyon sa nasabing siyudad. Ma­ tigas na nagpahayag daw si cabinet sec na kaila­ngang manalo siya sa pag-ka-mayor “at all cost”. Na­ kakatakot!

Sabi ng mga nakakaki­lala sa ugali ng opisyal na ito, ka­wawa ang lungsod na nais niyang takbuhan dahil sanay ito sa pang­gu­gulo at pagha­ha­sik ng takot masu­nod o ma­ kuha lang ang ka­ni­yang gusto.

 Asahan na daw ang pag­ labas ng sunud-sunod na ma­lisyoso at mapanirang balita laban kay mayor at kaalyado niyang local officials na ibi­nabala ng grupo ni sec na sa kasamaang-palad ay wawa­sak din sa napaganda nang imahe ng tinaguriang fast-rising city sa Kalakhang May-nila.

Kaya daw pala matindi ang ginagawang pakikikun­tsaba ni sec sa oil companies, nag-iipon siya ng ma­la­king pondo para sa pag­takbo niyang ito.