Sugal sa Tambisan

Usahay pul-an na kong mobasa sa nagbalik-balik nga sumbong ug reklamo nga ipadangat pinaagi sa text. Pero hatagan lang gihapon kini nako og pagtagad. Kay samtang dili pa maaksiyonan ang mga reklamo sa proper authorities, sigehan nato’g sundot ang ilang sampot.

Usa sa kanunay gyod ireklamo sa nagpakabanang mga lungsoranon mao ang illegal nga kalihokan diha sa Tambisan, Labangon. Nagkadaiya lang ang mga reklamo nga akong nadawat. Naay bahin sa payuhot sa shabu, sugal ug uban pang illegal activities.

Usa ka texter nagkanayon: "Kining sugal diri sa Tambisan, Labangon di gyod maundang. Ang Presinto 10 way pagtagad. Hasta pod ang barangay kapitan way aksiyon." -- 0919-3870260

Atong sangpiton ang atensiyon sa kapolisan sa Presinto 10 ug ang mga barangay opisyal sa paghimo’g aksiyon sa gikatahong illegal nga kalihokan diha sa maong lugar.

Siyarog wala mo makamatikod sa illegal activities diha? Lupig lang diay mo’g "radar" sa mga lumolupyo diha! Pastilan!

* * *

"Sir, naunsa man ning LTO diri sa Mandaue nga puwerte mang dugaya kun naa tay transaksiyon. Unahon man og tagad ang nauwahi. Daghan pa gyod ang mosulod sa office kay magpalusot." -- 0910-8971618

Dili makiangayon kun ang naulahi mao na hinuoy unahon og entertain. Unfair kini alang sa ubang may transaksiyon diha sa buhatan sa LTO Mandaue. Angay palambuon ug hapsayon ang sistema sa ilang panerbisyo.

* * *

"Taga Smart grabe kaayo manguha og load. Igo pa ta makapa-load kawaton na dayon." -- 0920-7470285

Wala kini sila’y kaikog ngadto sa ilang mga subscriber. Nagsalig kay nakapabor man sila kanunay.

Ambot kun kanus-a pa kaha makonsensiya ang mga bentahoso? Maghulat na lang tingali ta nga moabot ang gaba!

* * *

(Sumbong ug reklamo? Text sa 0910-8105522).