EDITORYAL - Naneguro ang Embahada

Gipangunayan gayud sa mga taga American Embassy ang pagpang-apod-apod sa gitawag nga equity dollar benefits ngadtos mga Pilipinhong war veterans.

Dunay mga representante ang Embahada nga mobisita sa mga tiguwang na intawon nga mga beterano ug gani ang uban kanila anaa karon sa mga ospital.

Maayo kining gibuhat sa US Embassy kay paagi kini nga dili mabiktima ang mga beterano kinsa tungod kay tiguwang na kaayo masayon nalang nga binuangan sa mga hasler ug mga fixer.

Apan kinahanglan nga paspasan og gamay ang proseso kay daghan ra ba sa mga beterano nga kwalipikado sa pagdawat sa benepisyo dili lang kay mga tiguwang na, mga masakiton pa gyud.