EDITORYAL - Di lang ibalhin kundili taktakon

Ang balita nag-ingon nga usa ka “troublesome” kon badlongon nga polis ubos sa Cebu Provincial Police Office (CPPO) ang gi-“reassigned” human sa pagpabadlong nasad niini.

Ang maong polis gisumbong sa usa ka inahan ug anak kinsa iyang gihadlok pinaagi ning mga pulong:

“Kamo makigkontra mo nako? Sisiw ra kaayo mo. Ayaw mo pagtugatuga, bisan asa pa ta magkita, anad nako anang bisan asa pa ko ilabay. Duha ra mo ka bala.”

Ang maong polis gilabay ngadto’s laing lungsod diin hayan magpadayon sa iyang pagkabadlongon.

Dili ba maayo nga ang mga badlongong polis dili lang i-reassign kun dili taktakon gyud sa serbisyo?