EDITORYAL - Ang kahulogan sa Pasko

Human na ang kasaulogan sa Pasko, apan dili kini pagasabton nga ato nang kalimtan ang mga mithi sa maong bililhon nga adlaw.

Ang kahulogan sa maong okasyon kinahanglan magpabilin sa tanang higayon sa atong hunahuna ug kasingkasing sa atong kinabuhi.

Ang pulong nga Pasko lumalabay lang apan ang kahulogan ug unod niini angay nga atong huptan sa hugot nga paghupot kay nalambigit niini ang atong Kristohanon nga pagtuo.