EDITORYAL - Motorsiklo, traffic hazard?"

Nagkadaghan ang mga motorsiklo sa atong dapit; nagkadaghan usab ang traffic hazard sa atong kadalanan.

Usa ka doktora kinsa sud sa napu na ka tuig maoy nagmaneho sa iyang sakyanan, misulti sa Banat News nga niundang na siya’g drive sa iyang kotse human nasaghiran ang iyang sakyanan sa usa ka motorsiklo ug human niini hapit pa gyud siya makadasmag og motorsiklo nga kalit lang miilog sa iyang lane.

Kining maong doktora usa lang sa daghang motorista (sa four-wheeled vehicles) nga naproblema niining mga “reckless drivers” og motorsiklo.

Mihangyo sila nga ipaubos sa “thorough seminar” bahin sa luwas nga pagmaneho’g motorsiklo una isyuhig lisensiya ang momaneho’g motorsiklo.

Uyon kami sa maong hangyo ug hinaut nga mosangon niini ang hingtungdang mga ahensiya.