EDITORYAL - Seryosong pagtagad gikinahanglan

Sumala sa EU News nga gimantala sa Delegation of the European Commission to the Philippines nagpadayon ang overseas deployment sa mga Pilipinhong migrant workers.

Kadaghanan sa mga overseas Filipino workers mga babaye. Ug suma pa sa EU News, daghan niini kanila mga biktima sa exploitation. Naay mga gikastigo, naay mga gipanglugos, naay mga nawad-an og maayong pangisip.

Mao kining tinuod nga kahimtang sa atong mga babayeng OFW. Luyo sa binilyon nga dolyar nga giremit ngari sa mga OFW mao ang singot, dugo ug luha sa daghan tang mga kaigsuonang babaye.

Hatagan unta kini og labing seryosong pagtagad sa mga sakop sa Kongreso. Unya na lang kanang panaglalis bahin sa cha-cha ug mga political power play.