Police blotter, bawal na daw silipin ng Media!

ISANG malaking katanungan para sa BITAG ang direk-ti­bang ipinalabas ng bagong Philippine National Police    Chief Jesus Verzosa tungkol sa police blotter noong a-20 ng Oktubre.

Ayon sa nasabing direktiba, ipinagbabawal ang access ng media sa pagsilip ng mga police blotter saan mang police headquarters at station maliban na lamang kung may court order.

Ito daw ay para sa tinatawag na sensitivity of information kung saan kailangang pangalagaan ang pagka­kakilanlan ng mga biktima, suspek at sangkot sa krimen lalo na kung mga menor-de-edad.

General Rule na ang police blotter ay isang public record na maaring tingnan at makita ninuman kaya naman pina­lagan ito ng lahat ng sangay ng media at maging ang Palas­yo naguluhan sa direktibang ito.

Subalit responsibilidad ng pagiging media na magpa­hayag ng mga nangyayari sa ating kapaligiran kabi-lang na rito ang mga krimen para sa pag-iingat at kaala­man ng lahat.

Isa ang police blotter sa pangunahing instrumento ng media men upang malaman ang kasaysayan, impor­masyon at nilalaman ng isang pangyayari.

May pagkakataong nakaranas ang BITAG sa aming mga trinabaho, lalo na’t espesyalidad namin ang reklamo at krimen, una naming sinisilip ang police blotter.

Lalo na doon sa mga pagkakataon na sumbong ng     mga biktima na isinumbong nila ito sa mga alagad ng      batas subalit walang anumang aksiyong naganap.

Ang siste, kakatwa ang aming mga nakikita. Kapag hinanap na ng BITAG ang blotter, iba ang naka­sulat o mali-mali o di na­man kaya ay kulang-kulang ang im­por­masyon na isi­nulat ng desk officer sa blotter. Ang masahol pa dito, yung pag­ kakataon na kapag hina­nap mo ang blot­ter e hindi naka-blotter. Hindi isinu- lat at hindi nai­tala sa blotter report ng pu­lisya.

Hindi mo malaman kung kasabwat ba, may pinagtatakpan ba, aanga-anga o sadyang hindi ibli­notter ang isang pang­yayari na hindi alam ng BITAG kung sino ba ang pinuproteksiyunan.

Ilan lamang ito sa mga karanasan namin, hindi namin nilalahat subalit may mangilan-ngilan.

Sa direktibang ito ni PNP Chief Verzosa, baka puwedeng isama o una­hin muna siguro ‘yung pag­­tuturo sa ilang kapu­lisan natin ‘yung tamang pagbo-blotter.

Huwag niyong pag-ba­walan ang media dahil   sa blotter makikita ang ka­totohanan ng pang­ya­yari ng isang krimen. Bilang investigative media, tutol rin kami sa direk­tibang ito.

Sa huling balita, lili­nawin daw ni PNP chief ang isyung ito dahil hindi raw ito pagbabawal kun-di pagsasa-ayos lamang. Nakaantabay rin rito ang BITAG.