EDITORYAL - Kalinaw sa mga sam-ang

Ato nasang saulogon ang Todos los Santos ug Adlaw sa mga Minatay sa mosunod nga duha ka adlaw.

Gitahasan ang kapolisan, lakip na ang mga barangay tanod, sa pagpaninguha nga adunay kalinaw ug kahusay sa mga sementeryo.

Kinahanglan nga ipatuman gayud ang mga lagda nga giluwatan aron kalikayan ang kasamok sud sa mga sam-ang.

Seguradohon, pananglitan nga walay ilimnon nga makahubog ug walay armas de fuego nga   makasud sa mga sementeryo.

Kining amo usa ra ka pagpahinumdom ngadto sa mga gitahasan sa paghimo’g malinawon sa kasaulogan sa adlaw sa mga minatay, kay sayod naman sila sa ilang katungdanan.