EDITORYAL - Kinsa ang angay’ng tuohan?

Giladlad pag-ayo ni Presidente Arroyo ang iyang mga nahimo ug buot pang himuon niadtong Lunes atol sa iyang State of the Nation Address (SONA).

Samtang ang Pangulo nagdiskurso sud sa Batasan session hall, nagdiskurso usab ang mga lider sa militanteng pundok gawas sa kongreso.

Naa ra sa mga lungsoranon kun kinsa ang ilang tuohan -- ang Pangulo ba o ang mga militanteng kritiko.

Apan angay tang hunahunaon nga bisan unsa ka tinuod sa gipanulti sa Presidente, kini pulos bakak alang sa mga nagkontra kaniya.

Gani, wala pa makasulti ang Pangulo ug wala pa sila masayod kun unsay naa sa SONA sa Pangulo ila na kini nga gipanghimakak.

Busa, ang katawhan na lang ang mag-igo kun kinsa ang angay nilang tuohan.