Ang pagka-tihik!

Niining atong panahon karon, gikinahanglan ang pagdaginot. Kita ra bang mga Pinoy naila sa pagkagastador, bisan kun way igong ikagasto. Usa sa mga hinungdan ngano nga wa kaayo magmalampuson ang Cooperativism dinhi sa atong nasud, mao nga kita konong mga Pinoy, are not prone to savings. Wa kanato ang pag-save. Maoy hinungdan nga wa gyud ta mouswag, as individuals, and a country. Sila rang kadagkuan sa atong gobiyerno nga hayahay kaayo ang pagkabutang. Of course, ang mga dagkung negosyante, sama sa taga-Meralco ug taga-VECO.

Lahi ang pagka-tihik, lahi ang pagkadaginotan. Ang tawong subra ka-tihik, kun mahimo, di na lang mokaon, ug kun mokaon man, maglaw-oy lang og kamunggay, way lamaslamas, way subaksubak. Mao ni ang tihik. Stingy. Morag si Silas Marner sa among panahon. Gikan sa Reader’s Digest, niay atong nasindolan nga sugilanon.

Dunay milyonaryong subra ka tihik. Subra ka daginotan. Kuripot na kuripot. Di man dautan ang pagdaginot, basta di lang pod pasubrahan. Pag-declare ni Marcos sa Martial Law, iyang giingon: Ipagpatuloy ang kaunlaran, mag-impok sa bangko. Ang nahitabo, wa ta mag-impok, wa say kaunlaran. Sila ray miunlad, bisag wa mag-impok. 

Anyway, kining tihik nga milyonaryo nga atong gihisgutan dinhi, hilabihan ka daginotan. Istrikto kaayo kun bahin na sa gasto ug kwarta ang hisgutan. Wa man untay paroblema ang paggasto kay daghan man siyag kwarta, di pareha sa atong mga poor dinhi nga hilabihan ka gastador bisag wa kaayoy ikagasto. 

Gumikan sa subrang katihik, nasakit na lang kay mahal ang medisina, mahal ang pagpa-hospital, mahal ang pagpa-doktor.

Sa diha nga himatyon na, iyang gipatawag ang iyang asawa ug duha ka anak. Samtang gibati ang iyang pamilya og kabalaka, sulod sa ilang galamhan, secretly misantop sa ilang tagsatagsa ka hunahuna nga malagmit, basahon na ang last will and testament, bahinon na ang dakung katigayonan.

Una niyang gipangita ang iyang asawa, dayon ang duha ka anak, kinsa ang tulo nagdungan pagtubag nga anaa sila sa kiliran sa ilang minahal.

Mikusog og gamay ang tingog sa nagpinal nga nagkanayon: “Karon, nia man mong tulo, nganong nagsiga man ang suga sa kusina, usik ang kuryente. Mahal na kaayo ang VECO.”