Sa Pier 4

Usa ka magbabasa ning ubos  tang lindog mi-text nga nagkanayon: "Good AM, Sir. Diha sa may eskina gyod sa Pier 4 ug MacArthur, sa oras nga mga 6PM ug 8PM akong nakita nga daghan na sab ang mga snatcher diha. Mga pasahero ang mabiktima nila. Ang mga security sa CPA ug port police wala gyod makabantay niini. Daghan ni silang mga snatcher. Mga lima ngadto sa unom ka tawo. Maayong madakpan ni sila." -- 0919-4753175 (Sent: 09:08:40pm--January 23, 2008)

* * *

Angay ning panid-an sa atong proper authorities. Labing maayo nga ila kining ma-counter check. Luoy kaayo ang mga pasahero nga mabiktima niining maong mga badlongon sa katilingban. Mas maayo kun ma-monitor kini sila aron masikop sila dihadiha sa higayon nga mamiktima sila sa mga pasahero sa barko o sa mga sakyanan sa banika.

* * *

"Sir, good PM. Naay Citom nga pataka lang og karga sa mga motorsiklo. Mahal pa gyod kaayo ang bayad paglukat. P1,600."--0905-9594569 (Sent: 03:17:59pm--January 23, 2008)

* * *

Basin may kalapasan gyod sab nga nahimo maong gidakop o gikarga ang inyong motorsiklo. Usahay god, bisan makahimo tag kalapasan sa bisan unsang lagda, may tendensiya nga basolon nato ang awtoridad nga mosanta sa atong pagpabadlong.

Ang akong ikasulti mao nga pag-amping mo nga dili makahimog violation aron dili mo dakpon. Ug kun  dakpon pa gihapon kamo bisan walay nahimong violation, dili na kana makiangayon. Ayaw sab mog sugot nga tumban sa mga awtoridad ang inyong tiil sa dili makataronganon  nga hinungdan. Padangat mog reklamo ngadto sa ilang mga labaw.

* * *

Ang cellphone number 0926-3510232 mi-text nako niadtong Enero 24, 2008 (Sent: 07:42:18am) ug miingon nga naay mga police sa lungsod sa Ronda nga angay ilisan kay walay maayong performance. Wala (kuno) makasulbad sa daghang krimen ug magsige lang og panghingi sa tigbakayan. Morag tulibagbag kining pamation kun tinuod man.

Mas maayong i-improve sa kapolisan sa Ronda ang ilang mga performance aron makontento ang mga lungsoranon nga nagsud-ong sa ilang trabaho.

(Sumbong ug reklamo? Text sa 0910-8105522).