EDITORYAL – Walay mahimo ang sumasakay

Aduna na say tinguha ang mga operator ug drayber sa public utility jeepneys nga paumintohan ang pletihan gikan sa P6 ngadto sa P8.

Kini tungod kuno sa nagpadayong pagsaka sa presyo sa gasolina ug uban pang mga produkto gikan sa lana.

Kun mahitabo man ang pagsaka sa pletihan wala gyu’y mahimo ang mga commuter kon sumasakay kinsa giilang mga “captive customer” sa mga drayber ug operator sa mga PUJ.

Mapugos lang gihapon sa pagdawat ang mga sumasakay sa pinatas-ang pletihan. Wa sila’y kapaingnan.

Hinuon, dili man tang mga sumasakay makabasol sa mga PUJ drayber ug operator tungod kay ang ilang gibasihan sa ilang tinguha lehitimo man.

Kining pagsiging umento sa gasolina ug uban pang produkto gikan sa lana nakahatag og dakong problema sa transport industry ug nagkinahanglan desisyon sa gobiyerno nga makasulbad niini diin walay bisan usa ang makulban sa kaldero.