Corporation vs. cooperative

Ang atong mga tunghaan nagtudlo og tulo lamang ka klase o forms of business ownership: ang sole proprietorship, partnership, ug corporation. Ambut pila lang kaha ka unibersidad ang nagtudlo about the cooperative.

Ambut ngano nga ang atong educational system ug ang tag-iya sa mga dagkung tunghaan, di man mosugot nga tudloan ang atong mga estudyante bahin sa cooperativism.

Nakaminos sila sa mga cooperative ug sa mga tawo nga nagpadagan niini.

Nganong bias man sila pabor sa mga dagkung kapitalista, ug di man sila gusto nga magkahugpong ang mga pobre ug magtinabangay aron ma-self reliant.

Nakapangutana kita niini tungod kay giingon man unta dinhi nga kuno “the best strategy for economic development, especially in the rural areas, is the promotion of cooperatives. Mao kini ang nakita sa mga authors Gil Y. Garcia ug Marie Anne N. Guanzon, sa ilang libro bahin sa mga kooperatiba.

Matud nila, “the cooperative set up is ideally complementary to the Filipino temperament of bayanihan” Maayo man gani kuno nga karon, ang Polytechnic University of the Philippines nagtanyag na og kurso sa Kooperatiba. Ug ang University of Santo Tomas nga maoy nagpatik sa libro on cooperatives nila ni Garcia ug Guanzon, nagtanyag og subject on cooperatives sa ilang kurso sa Business Administration. Nindot no?

Gitandi dinhi ang mga kalainan sa korporasyon ug sa kooperatiba. Sa policy-making pananglitan, samtang sa korporasyon ang highest policy making body mao man ang Board of Directors, sa kooperatiba on the other hand, while the Board, lays down policies, ang highest policy-making body mao ang General Assembly o ang mga members mismo.

Manner of voting, sa korporasyon, cumulative voting, samtang sa kooperatiba, one-member-one vote. Sa ato pa, dili ang capital, dili ang kwarta maoy gamhanan. Ang basis of existence: Sa korporasyon, competition, samtang sa kooperatiba, cooperation among cooperatives. Sa control of the firm: sa korporasyon, ang basis: capital primacy over persons. Unlimited ang pag-angkon sa stocks, ug ang stockholder who owns the most number of stocks, owns and controls the company.

Sa kooperatiba, dunay maximum ang pagpanag-iya sa share capital, ug bisan kun mas daku ang imong maangkon, you don’t control the coop, tungod kay “one-member-one vote” ka lang gihapon. Unya sa binahinay na, sa korporasyon, capital gets all the profit either as cash or stock dividend. Ikaw trabahador ka lang, an operating cost. Sa kooperatiba, ang share capital gets a “limited interest” on capital, ug ang surplus (dili profit) ibalik ngadto sa mga members as patronage refund.

Atong makita dinhi nga tawo ang mahinungdanon sa kooperatiba, samtang sa korporasyon, capital, kuwarta. Ikaw, laborer ka lang.