Once again, all-out war against poverty!

Sa makausa pa, ang atong kagamhanan, mi-wage na usab og laing all out war against poverty. Kon kahinumdoman, matag Presidente sa atong nasud, mo-declare og pakig-gubat batok sa kawad-on.

Ug sa atong nasinati, kutob lang ta sa pag-declare og war, kutob lang sa mga press ug fund releases, apan nagpabilin ug nisamot ang poverty.

Sakit kaayo ning palandungon, alang kanatong mga yanong lungsuranon, tungod kay samtang nag-anam kitag ka-ut-ot, sila rang atong mga alagad sa lungsod ang milampos pagpakig-gubat sa kawad-on.

Sige sila’g ingon nga milambo na ang atong ekonomiya, apan, definitely, sila ra ang nabulahan. Maoy hinungdan nga mi-declare na usab silag laing all-out war against poverty.

Nagpadayon ang kagutom. Hinuon, niining panahon sa eleksiyon, morag mo-arang-arang ang atong kahimtang, morag modaghan ang circulation sa kuwarta, kay lagi, bisag moingon sila nga they are not for sale, apan, magpadayon ang pinalitay.

Mobaha gihapon ang kuwarta ron. Hinuon, di kaayo daghan tungod kay daghan sa atong mga local candidates, ilabina ang mga incumbents, way mga kontra. Sa ato pa, di kinahanglan mogasto og daku.

Tungod kay midterm election, di kaayo init ang panagsangka, ug labing seguro, it’s going to be a peaceful. Will it be clean and honest? Sila ray makatubag ini.

Ug tapus sa eleksiyon, unsa man? Ato na bang mabuntog ang kawad-on? Di na ba kinahanglan nga mo-declare na usab tag laing all-out war against poverty?

Mo-pito na ka tuig sila diha sa gahom. Nganong wa man sila makasulbad sa atong kawad-on? Nganong midaghan man hinuon ang gigutom ug misamot ang kalisud sa mga yanong lungsuranon?

Nganong sila ra man ang hayahay? Giunsa man diay nila pag-alagad ang lungsod? Wa diay makatabang pagsulbad sa kawad-on ang binilyon nga pork barrel? Diin man ni paingon? Nganong mogahin na man sad tag laing daghang kwarta aron mapuo ang atong kawad-on? Ikaw’y tubag ini, Dro!