Mosuway kuno tag clean/honest election

Bida sad uy, mora mag nidulot na kini sa atong kabukogan ang atong pagkatikasan. Mora mag imposibli na kaayo alang kanato ang usa ka malinis ug hapsay nga eleksiyon.

Hilabihan natong sukoa ni Marcos gumikan sa panikas sa eleksiyon. Apan, tapus sa mga eleksiyon after Marcos, mao lang gihapon ang mga isyo nga atong giatubang. Sa ato pa, dili diay kay si Marcos ra ang tikasan, kondili, kitang tanan.

Unya, niining umaabot nga eleksiyon, buot nila nga kalimtan lang ang Garci controversy kay matud pa ni Abalos, iyang paningkamotan nga ang Comelec makakat-on na gyud pag-ihap niining eleksiyona, kay mao kono kini ang legacy nga iyang ibilin kanato sa dili pa siya mo-retire.

Nindot paminawon. Hinaut nga matinuod. Aron nga makatilaw intawon kita og usa ka clean and honest election. Ug ikaw, Dro, ayaw na pagsugot nga tikasan ka.

Ug dili kay clean and honest election lang, kondili, we should vote wisely, Sa ato pa, kon sa imong pagtuo nga usa ka wise vote ang imong pagbotar nila ni Montano ug Gomez kaylagi, mga artista, go ahead, kon mao kini ang conviction.

Si Lindy Morrel, kanhi sa NEDA ug sakop sa AFRENA 7, kon Association of Former Regional Executives of National Agencies, misugyot sa dili pagbotar ning mosunod nga mga kandidato: 1. "ÁKOnomics experts. Kini sila nahigugma kaayo sa sarili. Sa tanan nilang mga lihok, pulos "Ako" ang mahinungdanon, uwahi na ang lungsod, kon duna pa may mahibilin. 2. Mga kandidato with high IQs. Incompetence Quotient. Ang ilang qualification mao da ang ilang pagka-popular. Way actual management experience ug walay professional entrepreneurship management training.

3. Ignorant of the law. Mga kandidato kini nga way igong kasinatian sa pamalaud, bisan kon ang ilang gilansaran, ug kon sila mudaog, magpanday unta silag mga balaud. Matud pa, they just want to make the law (ambut unsaon), not know the law. Unsa may ilang kahadlokan nga bisag wa silay tingogtingog didto sa Kongreso, sige man ang sweldo, mga allowances, mga commission ug pork barrel.

4. Immoral candidates. Matud pa, immorality is not a sin in Congress. Okay kaayo ang extended families. Nothing is wrong with Kabitation. 5. Bottle-fatigues public servants. Mao kini sila ang mga alcohol addicts. Daghan kaayo ni sila. Paborito nilang imnonon, whiskey ano, basta whiskey. 6. Incorrigible gamblers. Moingon sila nga life itself is a gamble. So, nothing’s wrong with gambling, and it’s a good source of income to many of our leaders. Pastilan. Mao kini ang matang sa mga kandidato, nga buot ni Lindy i-boot out karong Mayo 14. Lungsod, ilha pag-ayo ang mga kandidato. Ayaw pagpasagad.