Come, rape me!

Samtang di ta moingon nga mas lustful (kon kahinam sa pakighilawas) ang karon nga generation kay sa among panahon, atong nakita nga mas daghan ang sex-related crimes karon kay sa among panahon, many years back, ug niadtong panahon sa atong katigulangan.

Ngano man ni? Unsa may kalainan sa atong kahinam kanhi sa sex ug sa karon? Ngano man nga ordinaryo na man kaayo karon ang pagpang-rape? Di man gani ta makalitan kon makadungog tag amahan nga manglugos sa kaugalingong anak. Rape dinhi, rape didto. Usahay patyon pa tapus ma-raped.

Ngano man ni? Naunsa na man ang kalibutan? Tinuod ba ang mga pasidaan nga "Satan never sleeps?" Siya na ba karon ang naghari sa kalibutan, nga mora mag wa mahimutang sa husto ang katawhan?

Sa ubos kong pangagpas, bisag di ko psychiatrist ug dili sex expert, naingon kita niini karon tungod kay grabe ug open na kaayo ang mga tentasyon. Una sa tanan, ang sininaan karon sa mga babaye, hapit na lang maghubo.

Kon mag-pants man, ipaubos pag-ayo ang hawakan, ug ipataas pag-ayo ang T-shirt aron makita ang pusod, ug ang agtang-agtang sa ilaha. Ngano man gyud? Una sa mga TV shows, ang mga babayeng manayaw, mag-bikini na lang, ang mga lihok morag gipatol, magkirigkirig ang sampot ug dughan, magdapit kanatong kalalaken-an to "Come, rape me?"

Karon, wa nay salida sa cine nga way sex scenes. Way istorya, bisag action movies nga dili gyud sagulan og mga eksena sa pakighilawas. Ngano man gyud? Arte kuno.

Sa mga advertisement, aalang sa sigarilyo, imnonon nga makahubog, sabon ug shampoo, hangtud sa pagpamaligya luna sa minteryo, naa gyuy mga babaye nga sexy kaayo, ipakita ang mga paa ug samput ug ang kanal-kanal sa tutoy, nga morag silay gibaligya ug dili ang sigarilyo o ang sabon. Ngano man ni?

Mao nga ang tubag sa pangutana ngano nga naghitak na karon ang krimen batok sa kaligdong ug kabalaan unta sa lawas sa babaye, kini tungod sa atong kababayen-an mismo nga misugot sila nga gamiton ang ilang lawas sa mga fashion designer, mga movie producer, mga advertising outfit, ug sa TV entertainment industry, pagdani, pagkabig, ug pag-provoke sa kahigal sa kalaken-an (apil na ta ini, Dro.)

Atong makita sa mga TV shows, nga sa pagsayaw sa mga sexy dancer, i-focus ang kalalaken-an, kasagaran mga senior citizen....magsiga ang mga mata, way pilok-pilok, ug magtulo ang laway. Pastilan, luoy kaayong tan-awon ang mga tigulang hunahuna na lay gadaku. Ngano man ni, Dro?