EDITORYAL - Napakyas nga pangandam

Niadtong naghinangat na ang unang iskedyul sa Asean Summit (Dec. 11-14, 2006) namatikdan sa daghang tigpaniid nga nindot na ang mga taxi, limpyo sa sud ug gawas sa behikulo ug limpyo sad ang pamiste sa daghang mga drayber.

Daghan sa mga taxi ang adunay freshener busa humot ang sud sa sakyanan. Morag nibalik sa naandan ang pipila ka mga taxi og drayber.

Matud pa sa usa ka drayber sa taxi nga kanunay'ng luwanan sa usa ka mediaman, "timeout" usa siya sa pagpalimpyo sa sakyanan ug sa pagsul-ob og presentabli nga biste kay layo-layo pa man ang Asean Summit.

Suma pa ning maong drayber duha ka polong put nga gipalit alang sa Summit (unang schedule) iya usa gitaguan sa kabak kay basin mahugaw ug makusnot na inig abot sa Summit sa Enero.

Naninguha gyud baya diay ang atong mga drayber "to show the best of the Cebuano" atol sa Summit.

Ang panghinaut sa mga nangandam nga drayber karon mao nga wa na say bagyo nga moabot dinhi sa ato.