EDITORYAL – Kinse minutos ra! pag-ikyas sa BBRC

Kining pag-eskapo sa unom ka mga bilanggo sa Bagong Buhay Rehabilitation Center niadtong Biyernes sa kaadlawon mi-set og bag-ong rekord nga labing paspas nga pag-eskapo sa nahisgutang bilanggoan gamit ang mubo nga tubo og bato.

Kini dihang ang lider sa mga puganteng nadakpan og balik nga si Garsol Gabuya, sa pakighinabi sa Banat News, nangangkong milanat ra og 15 minutos dihang iyang nabuslutan ang konkretong paril diin silang unom nangagi ngadto sa kagawasan.

Walay nakamatikod nga jailguards diha sa tower two ug tower three niadtong tungura.

Unsaon na lang kung ang naghuot nga dul-an 2,600 ka priso mosanting sa ulo ang pag-ikyas ug tabangan'g tiltil ang paril? Makapugong ba kaha ang mga jailguards?

Angayang hinuktukan sa BJMP kung unsa kaseryoso ang sitwasyon karon sa maong bilanggoan, ilang tulubagon nga sigurohong ang mga kriminal di basta masagol sa malinawong komunidad.