Suportahan ta ang Asean Summit

Husto si Gobernadora Gwen Garcia sa iyang pag-awhag kanato nga hunongan na nato ang mga complaints ug reklamo bahin sa pagpahigayon dinhi sa atong Sugbo sa Asean Summit Conference karong Disyembre.

Imbes magpunay kitag pangitag mga butang bahin sa Summit nga basihan sa reklamo, ato na lang hatagan og moral support (kay wa man tay kuwarta nga ikatampo) ang mga tigpasiugda niini -- namely, Gob. Garcia, Mayor Tomas Osmeña ug ang national government nga mao gyuy responsabli sa kalampusan o kaparutan sa maong Asean Summit.

Dakong dungog alang sa Sugbo nga anhi dinhi ipahigayon ang maong importanteng kalihukan. Mipakita kini sa ka-importante sa Sugbo sa natad sa international conclaves.

Ug usa kini ka dakong ka higayonan nga kita makapakita sa tibuok kalibutan, ilabi na sa Southeast Asia, sa atong kapasidad sa pagduma og mga dagkong kalihukan.

Ako ra kining personal nga opinyon. If it runs counter to your, so be it.