EDITORYAL – Dangpanan sa katawhan

Setentay singko (75) na si Cebu Archbishop Jaime Kardinal Vidal ug atol sa kasaulogan sa iyang adlaw'ng natawhan adtong miaging adlaw ang pinanggang kardinal nagkanayon.

"I am too old and tired already."

Tiguwang na kuno siya ug gikapoy na. Tungod niini siya mipadayag sa iyang desisyon nga moretiro na ug nanghinaot siya nga aprobahan sa vatican ang iyang desisyon.

Si Kardinal Vidal, bisan dili lumad nga Sugbuanon – kay didto man siya natawo sa Mogpog, Catanduanes--nakahatag ug mahinungdanon ug bililhon nga serbisyo sa Sugbo ug mga Sugboanon.

Sa mga dagkong problema diin ang mga opisyal sa Sugbo naglisud sa pagpangitag solusyon, si Kardinal Vidal maoy dangpan sa mga Sugbuanon. Ug sa kanunay andam siyang miresponde.