Maglisod tag move forward

Waa nay klaro ning atong kahimtang karon. Waa nay klaro asa ta paingon, daw waa na tay direksiyon. Nagkasamot ang ka-wad-on sa katawhan, nagka-mahal ang mga palitonon, ang mga sweldo ni-uk-ok- di na kaapas sa mga panginahanglan sa tawo.

Dugang niini, nagpadayon ang korupsiyon, ang pagpanghilabot sa salapi sa lungsod. Unya makadungog ta nga mga casual sa mga buhatan sa gobiyerno panaktakon kay waa nay kuwarta ang gobiyerno.

In the meantime, samtang mao kini ang atong kahimtang, nag-inilogay ang atong mga lawmakers sa dagku kaayo nga pork barrel. Pastilan!

On top niining tanan, na-divided pag-ayo ang katawhan. Waa ta magsabot. Pipila sa mga tawo nga nagpasiugdag kalihokan batok kang Erap, pabor ni Gloria, karon, gusto nga mo-resign si Gloria.

Ang oposisyon sa ilang kabahin, waa sad magkauyon, waa magkasabot kon unsay ilang alternative. Waa sad sila magka-usa. Hinungdan nga ang katawhan naglibog sad asa sila paingon. Kinsa ang ilang tuhoan, kinsa ang ilang sundon.

On the side sa pangagamhanan, sige lang pog likay sa mga isyo, sigeg panubag sa mga pangutana, apan waay klarong kamatuoran. Gi-evade ang truth. Di gustog investigation aron unta mogula ang truth.

Ang mga isyo nga giatubang karon sa gobiyerno mao ang cheating, lying, ug stealing. Aron unta mahilom ang katawhan, kinahanglan mamatud-an, beyond reasonable doubt, nga waa sila manikas sa miaging eleksiyon, nga intact ang mga ballot boxes nga gideposito diha sa lower house; nga wa ug di gyud sila mamakak; ug hilabihan nilang limpiyoha, ug waa gyuy korupsiyon ug pangurakot bisag gamay lang sulod sa ilang incumbency.

Kini ang mga isyo, kini ang mga pangutana. Kon matubag, unya, kontento ang lungsod, 100 percent, maka-move forward na gyud ta. Ug ato nang maangkon ang genuine nga unity ug kooperasyon sa katawhan. Di ba, Dro!