Ang tadyaw'ng busloton

Pasiuna.

Sa tawhanong kinabuhi, gipangandoy gayud ang kalampusan....Apan kini usab nagdapit og pagkaabli sa mga posibling nilugdangan...

Niadtong unang panahon, adunay tigsag-ob og tubig. Gipanag-iya niya ang duha ka mga tadyaw...Ang usa busloton, ang usa maayo og lig-on. Natural lang nga diyotay ra ang nahabiling tubig sa tadyaw nga busloton kon itandi sa tadyaw nga walay buslot. Sulod sa duha ka mga katuigan, kini gayud ang kasagarang mahitabo sa matag higayon nga mosag-ob ang maong tawo og tubig gikan sa atabay nga may kawhaan ka mga metros ang gilay-on gikan sa iyang balay. Ang buslotong tadyaw nangayo og pasaylo ngadto sa tigsag-ob sa iyang pag-ingon: "Agawon, gikauwaw ko sa hilabihan ang akong kahuyangan, ang akong pagkabusloton!" Ngano? Sukna sa tigsag-ob og tubig. "Tungod kay sulod na sa duha ka mga katuigan, dili gayud ako makahatag sa gikinahanglang tubig nga sarang magamit sa inyong panimalay og nga usa ka mahagong buhat ang imong gihimo kay magbalik-balik man ikaw aron lang sa pagsag-ob og tubig alang sa imong panudlanan!" tubag sa maong tadyaw.

Ang tigsag-ob miingon ngadto sa buslotong tadyaw: "Nakita mo ba ang mga maanindot og mga nagkadaiyang mga buwak sa imong dapit sa matag higayon nga moagi kita ning maong dalan, apan wala nimo makit-i sa agianan sa laing tadyaw? Kini tungod kay nahibalo ako sa imong buslot og ako kining gipahimuslan. Akong gitisok ang mga liso sa mga nagkadaiyang mga buwak sa daplin sa dalan nga atong agianan og pinaagi sa imong buslot imo silang gibisbisan. Sulod ning duha ka mga katuigan, napupo ko ang mga nagkadaiyang buwak nga akong giadorno sa among talad kan-anan. Kon wala pa ka og nga dili ka pa busloton, wala unta kining kaanyag nga mihatag og bulok og kinabuhi sa among panimalay." Panapus sa maong tigsag-ob.

Matag usa kanato adunay kahuyangan. Ayaw kahadlok sa imong mga kahuyangan og sa imong mga apan sa pagkatawo. Angkona og dawata sila. Pinaagi ning maong mga kahuyangan og mga kasaypanan, usa ka maanindot nga bulok ang imong mahatag sa imong katilingban. Kay diha sa atong mga kahuyang, atong makaplagan ang atong kusog. Hinuon, kini segun lamang sa atong panlantaw sa mga butang og mga panghitabo sa atong kinabuhi.