PASSCOR did it again!

DAPAT sigurong bigyan ng re-orientation regarding good manners and right conduct ang ilang gagong guwardiya sibil ng PASSCOR sa NAIA.

Nakalimutan yata ng ilan sa kanila ang itinuro ng kanilang mga guro ang magpakatao, magpakumbaba at maging magalang sa mga taong sinisita nila sa paliparan. Sabi nga, barumbado ang dating!

Ang mga kamoteng na-hire ng PASSCOR ay mala-angel at parang hindi makabasag plato nang sila ay kasalukuyan pa lang nagti-training sa kainitan ng araw dahil napakagagalang ng mga ito kaya kahit ipis ay iginagalang nila basta ang importante ay matanggap sila sa trabaho. Ika nga, makapagsuot ng uniporme ng PASSCOR.

Noong mga nakaraang administrasyon ay alam ko na marami ang umabuso sa mga bugok na PASSCOR dahil sangkaterba ang reklamo sa kanila tulad ng mga ninakaw nila sa mga riding public, tinatarayan, binabastos et cetera.

Si Ed Dada, OIC bossing ng PASSCOR, ang isa sa mga people na nagpabango at nagpabago ng anyo ng mga abusadong guwardiya sibil. Nilinis nila ang mga bugok kaya naman kinabuwisitan ito ng ilang mga gago sa PASSCOR. Sabi nga, tinanggal ang delihensiya ng mga kamote!

New ang bossinig ng PASSCOR sa katauhan ni Col. Menandro G. Mena, dating PAOCC sa Malacañang at miyembro ng PMA Class ’78, kaya naman humahanga at nakatingala sa langit ang mga employees sa airport dahil umaasa silang maaalis o kundi man ay mababawasan ang mga bastos na pag-uugali ng ilan sa kanyang mga people.

Hindi bababa sa 1,000 ang guwardiya sibil ng PASSCOR na nakabantay sa airport mula sa entrance gate, exit gate, lobby, arrival at departure areas, ramp area at sa mga highly restricted security zone ay makikita ang mga ito dahil sa suot nilang uniform na kapareho ng taga-Bureau of Immigration.

Kailan nga pala papalitan ang uniform ng PASSCOR na matagal nang inaangal ng taga-Immigration? Take note, Col. Mena, Sir!

Umaangal kasi ang mga taga-Immigration dahil kapag gumalaw ang mga bugok sa PASSCOR sila ang napagbibintangan. Ika nga, extortion!

‘‘Mabago pa kaya ang ugali ng mga bastos na personnel ng PASSCOR?’’ tanong ng kuwagong barumbado sa Pasay City.

‘‘Baka si Col. Mena ang makapagbago ng kanilang manners!’’ sagot ng kuwagong SPO-10 sa Crame.

‘‘Isang katerba ang security sa airport at hindi biro ang dami nila todits,’’ anang kuwagong Kotong cop.

‘‘Pinag-aaralan lahat ni MIAA bossing Al Cusi ang mga ito kung sino ang ititira paglipat sa NAIA Terminal 3 kasi may contract na dapat igalang ng management’’ sabi ng kuwagong maninisip ng tahong.

‘‘May pitsa ba sa security?’’