Mabuhay PTA employees

BINABATI ko ang mga empleyado ng Philippine Tourism Authority (PTA), specifically ang mga miyembro ng Association of Dedicated Employees of Philippine Tourism Authority (ADEPT) na siyang nagpakita ng maturity sa kanilang pagpili ng bagong liderato.

Pero bago yan, batiin ko na rin ang mga bagong halal na opisyal ng ADEPT sa pamumuno ni Atty. John Resado na hindi umatras sa laban kahit na matindi ang ginawang pressure sa kanya kasama na ang pagpapatanggal sa kanyang kapatid ng management ng naturang ahensiya.

Ano ba ang naging kasalanan ng pobreng kapatid ni Resado. Kasalanan na ba ngayon ang tumakbo bilang Pangulo ng isang labor association. Akala ko ba isa tayong demokrasya.

Lahat ng paraan ginawa ng management ng PTA sa pamumuno ni Robert Dean Barbers kasama na ang pananakot na kakasuhan siya at itatapon sa malayo, kagaya ng ginawa sa dating Pangulo ng ADEPT na si Fely Benting.

Ang iba naman ay pinuwersang umatras pero hindi umubra ang paraang ito ni Barbers, tinuloy nila ang laban at ang empleyado hinalal kung sino ang gusto nila at alam na ipaglalaban ang karapatan nila.

Pero balik tayo kay Fely Benting, siya ay magaling na empleyado ng naturang opisina pinahirapan dahil sa pakikipaglaban niya para sa kapakanan ng mga empleyado ng naturang ahensiya. Nakatira sa Maynila at may karamdaman pero dahil ayaw yumuko sa mga Hari ay inutos na itapon sa Zamboanga kahit na labag sa payo ng kanyang doktor.

Isa nga pala ang kasalanan ni Benting, pag may anomalya hindi siya nag-aatubiling ilantad ito. Pero kasalanan yon sa mga masasama at tiwali at hindi sa sambayanan.

Hindi sumunod si Benting, sumulat at nakiusap pati ang kanyang doctor pero hindi pinakinggan ng mga hari diyan sa naturang opisina at ang kanyang alipores na Batanguenong mahilig mamigay ng suman pag nanliligaw ay nagtayngang kawali.

Sinibak si Benting dahil hindi raw sumusunod. Dapat bang sumunod ang isang tao kung sasabihan siyang mag-suicide. Kayo ba susunod, text sa 09272654341. pero siyempre lumaban si Benting at humingi ng tulong sa Department of Labor at sa Civil Service.

Nanalo siya sa unang mga round pero tuloy na nagdurusa si Benting, ayaw sundin ng Prinsipe na akala mo ay Hari at lalo pang diniin sa pamamagitan din ni Batangueñong mahilig manligaw sa mga empleyadang magaganda sa pamamagitan ng pag-regalo ng cheap na suman at gawing inuman ang opisina. Kabayan, alam ba nang asawa mong nasa States yan. Lagot ka dahil ang pitak ko ay nasa internet, baka mabasa o kaya’y may magsend sa kanya sa States, he-he-he!!! Purnada ang mga suman mo.

Anyway, ginipit si Resado, sinibak ang kapatid na nasa Boracay at wala namang sala, binubuhay ang lahat ng kaso at ngayon ay ni-reassign sa opisina ni Boy Suman para laging bantayan.

Tinakot din ang mga empleyado, sinabihang tagilid ang kanilang mga benepisyo kung mananalo si Resado at mga ka-ticket niya, pero mature na ang mga empleyado ng naturang ahensiya. Hindi natakot, pumalag at paglabas ng balota tapos si Barbers dahil total rejection ang nangyari sa kanya.

Landslide ang pagkapanalo ni Resado, milya- milya ang lamang at ang bago problema ni Barbers ay dapat niyang sagutin ang mga isyu na nilabas ng mga empleyado at pinaabot sa Malacañang.

Abangan n’yo sa susunod na kolumn at ilalathala ko isa isa, kasama na riyan ang mga maanomalyang mga transaction.

* * *

Pnlabas ni sen. Jamby ng election malinis hngarin nya maglingkod sa publiko dpat ptnayan nya yan sa praang cmulan nya sa pamilya nya ang pagging transparent. — 09213578514; Sb ko n may lalabas na isyu about jan kay jamby, sna wag nyo tantanan, kc s staff p lang ganyang n cia ano pa kya sa taong bayan. Npk plastic tlaga, ngayon alam na ng bayan. —-09167863379;

D pa nagiinit puwet mo sen. Jamby s senado pork barrel kgad at interest ng aswa mo. Mhya nman kayo. —-09173396972; S jamy kc kng totoong s kwang gawa k ay d palit ng palit ng staff, sya ang problema. — 09195572212; Ang alam ko c senadora ang may diperensya, kahit katulong wlang tumatagal sa kanya. -— 09174683760.

* * *

Para sa anumang reaksyon, sumulat lang sa nixonkua@ yahoo.com o kaya’y mag text sa 09272654341. Mapapakinggan n’yo rin po ang inyong lingkod sa DZEC 1062 mula 4:30 hanggang 6:00 ng hapon, Lunes hanggang Huwebes.