Pagkain sa hika o asthma
Ang pamamaga ang pinaka-pangunahing dahilan ng sintomas ng hika. Kaya naman ang mga pagkain na nilalabanan ang pamamaga ang natural na gamot sa namumuong sipon o plema. Ang pagkuha ng maraming nutrients mula sa pagkain ay nauugnay sa pagpapababa ng panganib sa hika.
1. Sibuyas -- Ang regular na pagkain ng sibuyas ay makatutulong na makaranas ng madalang na pag-atake ng hika. Dahil ang sibuyas ay naglalaman ng anti-oxidant na quercetin, na nilalabanan ang pamamaga.
2. Kape -- Ang 1 o 2 tasang matapang na kape, ay nakatutulong ng bahagya dahil ito ay tulad ng theophylline, isang gamot na nagpapaluwag sa daanan ng paghinga.
3. Green Tea -- Katulad ng mansanas at sibuyas, ang green tea ay naglalaman ng quercetin at iba pang flavonoids. Subukan uminom ng 1 o 2 tasa kada araw.
4. Ang matatabang isda tulad ng tawilis, tamban, tuna, hasa-hasa, sardinas, dilis, salmon at mackerel ay may omega-3 fatty acids para labanan ang pamamaga ng iyong katawan, kabilang na ang daanan ng hangin.
5. Mansanas at strawberry -- Ang pagkain ng sapat na mansanas ay makatutulong makaiwas sa mga atake ng hika. Katulad ng sibuyas, ang mansanas ay mayaman sa quercetin, ngunit siguraduhing kainin ang balat, dahil dito nanggagaling ang quercetin. Ang strawberry ay mayaman din sa flavonoids.
6. Pagkaing mayaman sa antioxidant tulad ng Vitamin C, Vitamin E at Selenium. Ang red bell pepper, dalandan o calamansi juice, repolyo at kamatis ay mainam sa buong araw.
- Latest
