Chargers amoy na ang semis

MANILA, Philippines — Bumalikwas ang Akari mula sa 1-2 agwat para ba­likan ang Galeries To­wer, 21-25, 25-19, 20-25, 25-16, 15-11, sa Game One ng ka­­nilang quarterfi­nals series sa 2024-25 Premier Volleyball League (PVL) All-Filipino Conference kahapon sa PhilSports Are­na sa Pasig City.

Tangan ang 1-0 lead, pu­wede nang tapusin ng Char­gers ang kanilang best-of-three showdown ng Highrisers sa Game Two sa Huwebes papasok sa se­mifinal round.

Pumalo si Ivy Lacsna ng career-high 28 points mula sa 22 attacks at anim na blocks para banderahan ang Akari.

“Team effort talaga si­ya,” ani Lacsina. “Kasi ka­ni­na parang sinasabihan ako ng teammates ko na paluin mo lang, paluin mo lang huwag kang matakot. Siyempre, doon din po na­bu-boost ako.”

May 19 markers si Eli So­­yud buhat sa 18 attacks at isang service ace, habang may 10 points si Grethcel Soltones para sa Chargers.

“Sobrang grabe ‘yung training namin, pero ‘yun, nagbunga naman today,” dagdag ni Soyud.

Pumalo si Jewel En­carnacion ng 18 points para sa Galeries Tower.

Nagdagdag si France Ronquillo ng 17 mar­kers, habang may 13 at 11 points sina Ysa Jimenez at Roselle Baliton, ayon sa pagkakasunod.

Kinuha ng Highrisers ang 2-1 bentahe bago na­katabla ang Chargers sa fourth set, 25-16, sa pa­mu­muno nina Lacsina at Soyud.