Tropang Giga itinumba ang Gin Kings sa Game 1

MANILA, Philippines — Kaagad inangkin ng TNT Tropang Giga ang 1-0 lead sa kanilang championship series ng Barangay Ginebra matapos ang 95-89 panalo sa Game One ng Season 49 PBA Commissioner’s Cup Finals kahapon sa MOA Arena sa Pasay City.

Humakot si import Rondae Hollis-Jefferson ng 34 points, 13 rebounds at 8 assists para banderahan ang Tropang Giga, habang may 15 at tig-10 markers sina Roger Pogoy, Calvin ftana at Rey Nambatac, ayon sa pagkakasunod.

Pinamunuan ni import Justin Brownlee ang Gin Kings sa kanyang 28 points, 15 boards at 6 assists.

Kaagad itinayo ng TNT ang 11-point lead, 29-18, sa first period mula sa magkadikit na three-point shots nina Glenn Khobuntin at Nambatac.

Pinalobo pa nila ito sa 57-39 sa pagsilip ng third quarter matapos ang basket ni Hollis-Jefferson.

Ilang beses nagpilit makalapit ang Ginebra sa likod nina Brownlee, Scottie Thompson at Japeth Aguilar.

Ang dalawang free throws ni Brownlee ang nagdikit sa Gin Kings sa 83-93 sa huling 1:41 minuto ng fourth period.

Ipinasok naman ni Hollis-Jefferson ang dalawang foul shots para muling ilayo ang Tropang Giga sa 93-83 sa nalalabing 53.1 segundo.

Nag-ambag si Thompson ng 17 points at may 13 mar­kers si RJ Abarrientos.